İlqar Məmmədov (general)

İlqar Məmmədov
Məmmədov İlqar Aydın oğlu
Məmmədov İlqar Aydın oğlu
Şəxsi məlumatlar
Ləqəbi	İlqar Paşa
Doğum tarixi	7 oktyabr 1970
Doğum yeri	SSRİ, Azərbaycan SSR, Əli Bayramlı
Vətəndaşlığı	SSRİ→ Azərbaycan
Milliyyəti	Azərbaycan Türkü
Təhsili	Lvov Ali Ümumqoşun Komandirlər Məktəbi[d], Azərbaycan Respublikası Silahlı Qüvvələrinin Hərbi Akademiyası
Hərbi fəaliyyəti
Qoşun növü	Daxili Qoşunlar
Hərbi hissə	Azərbaycan Respublikası Daxili Qoşunları Ali Hərbi Məktəbi
Xidmət illəri	1991 — hal hazırda
Rütbəsi	General-mayor
Vəzifəsi	Azərbaycan Respublikasının Daxili İşlər Nazirinin Hərbi Məsələlər üzrə Müşaviri
Təltifləri

Məmmədov İlqar Aydın oğlu (7 oktyabr 1970, SSRİ) — Azərbaycan Respublikası Daxili Qoşunların Ali Hərbi Məktəbinin Sabiq rəisi . Daxili İşlər Nazirinin Hərbi məsələlər üzrə Müşaviri. General-mayor.

Həyatı

7 oktyabr 1970-ci ildə Azərbaycan Respublikasının Şirvan şəhərində anadan olmuşdur. 1991-ci ildən SSRİ Silahlı Qüvvələrinin Lvov Ali Hərbi Məktəbini, 2005-ci ildə Azərbaycan Respublikası Silahlı Qüvvələrinin Hərbi Akademiyasını və 2009-cu ildə Türkiyə Respublikası Silahlı Qüvvələrinin Hərbi Akademiyasını bitirmişdir. 1991—1992-ci illərdə SSRİ Silahlı Qüvvələrində zabit kimi xidmət etmişdir.

1992—2013-cü illərdə Azərbaycan Respublikası Daxili Qoşunlarında tabor komandirinin tərbiyə işlər üzrə müavini, tabor komandirinin müavini - qərargah rəisi, əlahiddə tabor komandirinin birinci müavini, alay komandirinin tərbiyə işləri üzrə köməkçisi, tabor komandiri, Tədris alayında silsilə rəisi, alay komandirinin birinci müavini – qərargah rəisi, alay komandiri, Ali Hərbi Məktəb rəisinin müavini — qərargah rəisi vəzifələrində xidmət etmişdir.

Azərbaycan Respublikasının Prezidentinin 8 mart 2014-cü il tarixli Sərəncamı ilə general-mayor hərbi rütbəsi verilmişdir.

Azərbaycan Respublikasının Prezidentinin 25 fevral 2014-cü il tarixli Sərəncamı ilə general-mayor Məmmədov İlqar Aydın oğlu Azərbaycan Respublikası Daxili Qoşunları Ali Hərbi Məktəbinin rəisi vəzifəsinə təyin olunmuşdur. 2024-cü ildən etibarən Daxili İşlər Nazirinin Hərbi məsələlər üzrə müşaviridir.

Ailə

İlqar Məmmədov Ailəlidir və İki övladı var.

Mükafatları

Azərbaycan Respublikasının Prezidentinin 11 mart 2008-ci il tarixli Sərəncamı ilə "Hərbi xidmətlərə görə" medalı ilə təltif edilmişdir.

Azərbaycan Respublikasının Prezidentinin 11 mart 2008-ci il tarixli Sərəncamı ilə "igidliyə görə medalı ilə təltif edilmişdir.

Mənbə

• Ali Hərbi Məktəb